Txikitan, beti gauza bera entzuten nuen:
“Nekazariei ez zaie bidezko preziorik ordaintzen.”

Eta nire inguruan ikusten nuen, Euskal Herrian. Nire gertukoek egunero gogor lan egiten zuten kalitatea ekoizteko, baina ez ziren haiek prezioak jartzen zituztenak. Esaten zitzaien: “Hau da prezioa, kito.” Eta ez zuten aukerarik. Hori zen, edo porrot egin.

Gehitu horri goizeko eta arratsaldeko jezketa, animaliak egunean hiru aldiz zaintzea, paper-kontuak, presioa... Eta lan guzti horren ondoren, batzuetan bizitzeko nahikoa ere ez.

Egun batean, nire buruari esan nion: “Hau ez da normala. Inork egiten ez badu, nik egingo dut.”

Nekazaritza ingeniaria naiz. Landa ezagutzen dut. Eta ekoizle hauek agroindustriaren atzaparretatik atera nahi nituen, web aditu edo lanaldi osoko komertzial bihurtzeko eskatu gabe.

Horrela jaio zen FarmUni.

Merkatu sinple bat. Non ekoizle bakoitzak bere burua aurkeztu, saldu eta, batez ere, bere prezioak ezar ditzakeen. Non zuek, kontsumitzaileok, azkenean zuzenean iturritik erosi ahal duzuen, bitartekaririk gabe.

Baina harago joan nahi nuen. Inguruan ekoizlerik ez dutenei zapore horiek ezagutzeko aukera eman.

Horrela jaio zen FarmUni Box:

pertsonalki ezagutzen ditudan baserriko produktuen sorpresa-sorta bat, zuzenean zure etxera bidalita.